Ould Abbas aked lɣurba : ifuk ṭbel yefra wurar
Ameskar:
D kunwi d abaɣur n tmurt, adabu iggmen awen-isemḥes, aken-iɛiwen��

D wa i d awal n Ould Abbas zdat n iɣriben di Lpari, uqbel ad tebdu lḥemla n tefrent.



Imi tɛedda lmesxṛa n tefrent, tufrar zzit ɣef aman.



Imeslay-d dduṛt-agi deg tilibizyu uneɣlaf n Tamsetla taɣelnawt ɣef iɣriben immuten deg tmura tibeṛṛaniyin : �ula ayɣer Ddula ad telhi deg tifekkiwin n iɣriben, nutni ixtaṛen ad xedmen i lmend n Fransa.� Ikemmel yenna d akken iɣriben ur d-wwin acemma i tmurt-nnsen.



Akken ad isefhem awal-is, ismekta-d dakken �Lezzayer tefka-yasen yal allal akken ad sferken tadrimt-nnsen. Urɣin ara ad bnun tamurt.� b



Djamel Ould Abbas iwjed ad iqezzeb i chef-is. Imi iwala Bouteflika ittu iqeddacen-is membaɛd 9 ibrir, Ould Abbas iɣil ɣures azref akken ad ireggem iɣriben akken ad iddu di lebɣi n Pacha.


Anwa d-yenna d akken adabu azzayri ur isɛi ara tanmeẓla tasertant ?

* Lharagga s tudert

Kra ur t-id-yerni lqanun i d-tessuffeɣ lḥukuma tazzayrit, ilindi, deg tedyant-a n “Lḥaragga”. D tirga mxalfa i wid yettxemmimen s lqanun ara tt-frun. Arrac mazal ttnadin ad ruḥen. Mazal ur yebdi unebdu, Ilemẓyen-nneɣ kkaten yakan ad zeggren lebḥer ɣer Ṭelyan neɣ ɣer Spanya. Deg Wehran, ijadarmiyen sḥebsen 24 deg yiwet n ddurt. Deg Ain Turk, 85 i yettwaḥebsen qef ddemma n trewla seg wasmi yebda wayyur n mayyu. Deg Annaba, azal n 99 i yettwaṭṭfen seg wasmi yebda unebdu. Deg Bgayet, 5 deg yiwen n wass, ufan-ten daxel n lbabur i iteddun ɣer Ṭelyan. I wid ur nettwaṭṭef, wiss acḥalyečča lebḥer ? Wiss acḥal yewwḍen ɣer umkan i qesḍen ?

Deg Bgayet (wali arrat yura Muḥend Ait Ighil), tadyant n 5 n yilemẓyen yettwaṭṭfen daxel n lbabur, tbeyyen-d mačči iman-nsen kan i llan yilemẓyen-a. Llant trebbaɛ i ilethan deg uheyyi n lecɣal : anda yella lbabur, melmi ara yeffeɣ seg usagen, anda iteddu, amek ara kecmen ɣer daxel. D tirebbaɛ i yeskellifen deg lḥaragga, yettawin asurḍi n yilemẓyen yumnen ad awḍen s amkan.

Mačči s lqanun ara tefru tedyant. D tamezduɣt d uxeddim i ixussen. D laman seg wid i iḥekkmen tamurt ara iqelɛen tadyant-a n rrwaḥ deg wallaɣ n yizzayriyen.



Djamal Ikhloufi

* Ddurt n lhirfat timensayin

Axxam n yidles n Tizi-Uzzu yeldi tiwwura ines seg 02 ar 06 seg yunyu 2009 i lḥirfat timensayin (traditionnelles). D tagnit yettunefken i wid iqeddcen deg uḥric-agi akken ad sbeyynen ayen xeddmen, s anda ssaramen ad awḍen.

Timsikent-agi tewwi-d ɣef yal aḥric yeɛnan lḥirfat-agi am uẓeṭṭa, lexyaḍa n tqendyar n leqbayel, talaɣt, lfeṭṭa, ula d seksu s yal ssenf yella.

Wid yekkin deg temsikent-agi d ilmeẓyen akken ma llan, usan-d s yisem n termisin neɣ tkebbaniyin i sbedden s lemɛawna n ddula.

Imḍebbren n temlilit-agi sɛan daɣen iswi-niḍen i ddurt-agi i heyyan. Bɣan ad sfehmen i yilmeẓyen amek ara xedmen akken ad izmiren ula d nutni ad snulfun tikubbaniyin timeẓyanin-nsen akken seg tama ad afen axeddim, seg tama-niḍen ad ḥarben ɣef tenḍi i yettuɣalen yal ass ɣer deffir. Ilmend n waya, tanmehla n “PME-Artisanat” tessewjed-d yakk arraten iwatan akken ad sfehmen i yilmeẓyen abrid ara aɣen.

H.A.M

* Ssert-aɣ!

Azekka-nni n tuber 88, mi ‘’icemmer’‘ Chadli tiwwura i 60 n yikabaren, steqsan Mohamed Khedda, anaẓur,(ad fell-as yeɛfu, yerḥem), nenna-as amek i iwala tugdud-nni d –yettlalen. Yerra-d unaẓur ɣef usteqsi, yenna-k :" nella deg yiwen parti unique, tura, nuɣal ar 60 partis uniques"

Aṭas seg widen i wumi tuqeɛ tmellalt n tsertit imir i as –yenna-n d acu akka i yuɣen Khedda ? Ulac acu i t-uɣen ! D acu kan, akken s qqaren s tefransist, l’artiste n’était pas bête à bouffer du foin. Ur as-yessufeɣ ara leɛqel “cṭeḥ, cṭeḥ ya bulis” n lawan-nni, akken t-yessufeɣ i tmetti s umata. I wala s anda teddunt temsal, yeḥsa belli tugud-nni ur tt-neffiẓ ara akken i iwata.

Qrib ɛecrin iseggasen mbaɛd, naf-d ayen akken d-yenna Khedda d tidet..

Si 1990 ar ass-a n wussan, d les uniques-nni kan i mazal ɣef iqerra n yikabaren yessefruyen zaɛma ɣef Tugdut. Gguman ad as-serḥen i ukursi-nni. Di temsalt-a, yif-iten unkabar n Belkhaddem. FLN meqqar ibeddel ugar n xemsa iberdan ccif-is, di ɛecrin n yiseggasen.

Ussan-agi, aṭas n yisertayen yekkin deg ‘’ikabaren imagdayen’‘ i d-yukin (re zaɛma, zaɛma) si xuxuc. Tura, faqen, qqaren-ak: “ccif-nneɣ d dictateur!”. Aneggaru d-yukin si xuxuc n ɛecrin n

yiseggasen d Ali Brahimi, député i yextar RCD di Tubiret. ‘’Yeklaki’‘ tawwurt n ukabar. Yenna-d di tebrat i s-yeklalki

tawwurt belli “depuis la naissance du RCD Said Sadi souffre du SLAM”. S teqbaylit : “seg asmi i d-ilul RCD i yehlek Said Sadi aṭṭan n SLAM”. SLAM-agi yewwi-t-id kan umeddaḥ di teqsiṭ akken ad tecbeḥ tebrat n député.

Walit tura : ad ak-yeqqar seg asmi i d-ilul RCD...

Deg laɛnaya-k a député (d wiyaḍ akk yetteklakin tawwurt) d acu i k-yeṭṭfen almi d ass-a ? Ihuh, Ɛecrin n yiseggasen kunwi d butellis!

Lḥasun (ɣas ma nesɛa une petite idée), ḥaca Rebbi d kunwi i yeẓran acimi i teqflem taṭucin-nnwen ɣef ‘’la dictature’‘

Yiwet nezra-tt : tettekam akk deg wayen i d awen-d-ibanen ass-a dirit !

Teskerhem izzariyen di tsertit. Zzin-awen s waɛrur. ulac ass-a win ara awen-iḥessen ama d kunwi yettehlakin tiwwura ama di diktaturen-nnwen.

Ssert-aɣ, tifikun JSK!

T.Ould amar